संयुक्त ट्रेड युनियन समन्वय केन्द्र (जेटियुसीसी) ले १३५ औं अन्तर्राष्ट्रिय श्रमिक दिवसको पूर्वसन्ध्यामा नेपाल सरकारका श्रम, रोजगार तथा सामाजिक सुरक्षामन्त्री डोलप्रसाद अर्याललाई मन्त्रालयमा भेटी ज्ञापनपत्र बुझाएको छ । जेटीयुसीसीका अध्यक्ष विष्णु लम्सालको नेतृत्वमा समन्वय केन्द्रमा आवद्ध सातवटा ट्रेड युनियन महासङ्घका अध्यक्षसहितको टोलीले सोमबार ज्ञापनपत्र बुझाएका हुन् ।
विभिन्न २० बुँदे मुद्धा समेटिएको ज्ञापनपत्रमा राज्य, रोजगारदाता र ट्रेड युनियनहरुले सबै सरोकारवाला पक्षलाई समेट्दै आपसी सहकार्यमा अगाडि बढ्नुपर्नेमा जोड दिइएको छ ।
उक्त केन्द्रमा पेसागत महासंघ नेपाल, एकिकृत ट्रेड युनियन महासंघ, समाजवादी ट्रेड युनियन महासंघ, राष्ट्रिय ट्रेड युनियन महासंघ, नेपाल समाजवादी ट्रेड युनियन महासंघ, एकिकृत ट्रेड युनियन महासंघ स्वतन्त्र र स्वतन्त्र ट्रेड युनियन महासंघ आवद्ध रहेका छन् ।
उक्त समन्वय केन्द्रले काठमाण्डौमा भोलि पत्रकार भेटघाट कार्यक्रम तय गरेको समाजवादी ट्रेड युनियन महासंघका अध्यक्ष अर्जुन लम्सालले जानकारी दिए ।
Leave a Reply